之前幫網友算命都在我既頂置專題裹面 但今次特登放在這裡 原因此八字比較特別.

女性網友 想問事業 還有她跟拍拖5年男友既發展.


時   日   月   年    大運:  52  42  32  22  12  2

甲   丁   壬   丁           戊  丁  丙  乙  甲  癸
辰   未   寅   卯           申  未  午  巳  辰  卯


首先 此命我會以日主化木來算 以火為用神. 我之前都講過多次 每位師傅有自己算命方法, 化與不化 從與不從 用神喜忌 各有自己見解, 亦希望各位師傅講講對此命既見解, 大家多多交流.

尼位朋友, 首先我想問下你有沒有已經"未婚懷孕"? 阿鋼我其實都好開放嫁, 但都唔建議未有好既經濟基礎下有bb. 你個人最大一個缺點 就係好任性, 好多時人地為你好既 你就當耳邊風, 多d聽長輩講 對你將來一定有好處.

至於回答你問既問題, 你下年(2009)開始轉運 行20年 你事業同婚姻都會好好多. 事業上 你八字原局(因為日主化木)無食神 傷官 印星, 再加上你咁任性, 都好難有高既學歷, 但你下年開始轉運 你好快會自然搵到你未來20年既事業, 但你要注意自己 你好容易因為做得唔開心 同老闆大吵, 咁就冇人可以幫到你, 你需要明白一個道理 (黃子華教既, 可以問佢) 老闆比你既人工 有一半係你工作應得 有一半係比佢鬧你既代價, 收得人工 就要比人鬧. 另外 因為未來20年你行既運可以幫助你讀書, 如果有機會 就多d進修.

婚姻我都認為會好快有結果 因為你20年事業運 有助你穩定經濟基礎. 但同一道理, 你o係這20年運會特別火爆, 老公都被你鬧走. 到最終 其實事業同愛情 都掌握o係你自己脾氣到.

祝你幸福.ey:

你好，謝謝你真的很有心幫我睇八字~

我真係在2006年有過bb，不過有某d原因下我落咗。
我想請問【特別格局】係唔係意味住唔好的命運?

時   日   月   年    大運:  52  42  32  22  12  2

甲   丁   壬   丁           戊  丁  丙  乙  甲  癸
辰   未   寅   卯           申  未  午  巳  辰  卯

大家好，小弟看這一造，有「貪合忘貴」之象。感情上可能，有「我愛的人對我不太好,但愛我,可照顧我的我卻不太喜歡」的情況。工作上也是一樣。

大大要留意。投入感情的同時，最好還保持一點理性，巳運後人生漸入佳境，晚婚為佳。

嗯 多謝penchap兄意見. 大家多d討論下

我認為, 22歲開始行巳運, 已經幫助到命主穩定經濟, 結婚都係好事. 至於婚姻, (只是我既意見, 人人都對婚姻睇法唔同 ey:) 女性20-30歲 可以結就最好結, 原因好簡單, 男人40歲可以仲好受歡迎 女人過30之後 機會開始每年下降.
而婚姻可唔可以長久, 好睇命主你自己. 你22歲開始 你脾氣會好大, 可唔可以保住婚姻, 你自己好大責任.

既然事情發生左, 我相信此事都一定令你有打擊, 希望你自己都為此作出反省, 以後三思而後行

至於你命運 (在我角度) 一d都唔係差, 至少你o係最o岩既時候有運行. 但令你變差既係你既行為, 令你好多時好都變差, 意見我前文已經講左. 亦希望你唔好介意我咁直接, 我都只係想你好.

[ Last edited by 鋼之風水術師 on 2008-5-17 at 12:47 AM ]

當然唔會怪你啦，好多謝你提醒我，其實我d脾氣不嬲都唔太好，我會檢討吓。
仲有我想問多一個問題，我應該適合做咩行業發展最有利?

你下年開始轉事業運, 未來幾年你一定會對事業前途好迷亂, 但命運一定會帶你搵到你既事業, 亦都親而家后生 不妨試多一兩個行業. 但唯一我想講既 就都係如果有機會 都盡量進修. 你原局少年冇讀書運 而家尼個世代打工一定好唔著數, 而且可以比你選擇既工唔多. 但下年開始轉運 都同時幫到你讀書, 遲讀點都好過冇讀.

努力